Man hett mi vertellt, dat ji daar all lang up wachten. Nu is dat ennelk daar. Een neeie Book mit plattdüütske Geschichten. Ik hebb mi maal hensett un upschreven, wat ik all so beleevt hebb, waar man över smüstern of ok laggen kann. Daarto ok noch eniges, wat ik van annern so höört hebb. Aver all ut eerste Hand. Un all na wahr Begevenheiten.

Enige Geschichten sünd tostand komen, wiel sük Lüü leep dusselig anstellt hebbt, annern hebbt sük eenfach so unglückelk ergeven. Wo een dat even so gahn kann.

Anfang token Jahr will ik dat Book offiziell vörstellen un ok enige Leseavende dörföhren. Termine stahnt aver noch nich fast. Mit daarbi sall up jeden Fall dat mittlerwiel beliebte Fehntheater wesen un een paar Szenen ut olle Tieden spölen.